Aðskilnaður Íslands og kirkju - lausn sem allir geta sætt sig við.

Nú legg ég til að gerður verði fullur aðskilnaður milli Íslands og kirkju. Línan verði dregin nokkurn veginn um Kópavogslækinn, upp á Vatnsendahæð, eftir Búrfellsgjánni í beina stefnu útsuðaustur að Krýsuvík. Reykjanesið (ásamt Garðabæ og Álftanesi) væri þá Þjóðkirkjuland, hitt væri Ísland og yndislegt.

Hér væri fáninn með hring í stíl við þann grænlenska (miklu flottara, hið fullkomna form), þjóðsöngurinn væri "Ísland er land þitt", þar væri reglulega langar fríhelgar með fríi á föstudegi en ekki þessa kristnu dellu að vera alltaf með frí á fimmtudögum eða öðrum fáránlegum dögum. Fjórir milljarðir á ári færu í að efla skólastarf á öllum stigum og "kristinfræði-" tímar í grunnskóla færu í heimspeki, hugmyndasögu og siðfræði en ekki trúarbragðaítroðslu.

Svo væru kristnir auðvitað frjálsir að lifa á Íslandi, hvað annað, þeir eru líka alvöru Íslendingar, ekkert síðri en við hin. En þjóðkirkjan ætti sitt útaf fyrir sig, það er hennar stíll.

Athugasemdir

[Craig Cameron (IP-tala skráð) 21.12.2007 kl. 00:34]

Binni from 4thwave is that you?  If it is email me at craig dot cameron at webandflo dot com.  Take care dude.

[Snorri Óskarsson (IP-tala skráð) 21.12.2007 kl. 12:13]

Þú sem ert sagnfræðilega sinnaður og guðleysis þenkjandi berðu nú saman ríki sem fór þá leið sem þú leggur til og árangur þess ríkis, hvernig innviðirnir brunnu og eftir situr mélað stórveldi sem hefur á að skipa einum mestu og verstu glæpasamtökum sem mannkyn hefur alið. Villtu hafa sömu framtíð fyrir Ísland? Þú veist að ef við brjótum í sundur lögin þá brjótum vér og í sundur friðinn. Lögin eru sett skv. siðferðisviðmiðum peningaaflanna.

Menn sem gátu græt nokkrar milljónir á mistökum Glitnis á gjaldeirissviðinu voru gerðir að glæpamönnum í gær vegna þess að siðferðisviðmiðin eru orðin Guðlaus í landinu. Var ekki nóg að mennirnir skiluðu fjármunum þegar þeim var gert ljóst að um mistök bankans hafi verið að ræða? Nei, til dóms skulu þeir dregnir!

Ef meiri Guðsótti væri í þjóðinni þá væri meira umburðarlyndi og fúsleiki til að fyrirgefa. Ekki trúi ég því að þú viljir fá það burt úr skólunum?
Ef Kristur er tekinn frá börnunum þá kemur  Barrabas og fyllir skarðið!

Ég trúi því ekki að óreyndu að jafn sagnfræðilega sinnaður maður og þú viljir upplifa þá framtíð. Hvað verðu þá um gamalmennin sem er haldið á lífi og kostar milljarða í heilbrigðiskerinu? Ef á að spara í innrætingu á trúarsiðfræði þá verður aldur gamalmenna styttur! Ekki viltu það? 

kveðja

Snorri 

[Brynjólfur Þorvarðsson, 21.12.2007 kl. 17:29]

Sæll Snorri

Þessi kersknislega færsla hefur fengið þig til að velta vöngum um siðgæðismál og kristni. Mín skoðun, sem sagnfræðilega sinnaður og hugsandi maður, er að kristið siðgæði sé ekki nógu gott og að það haldi aftur af raunverulegri "siðun" mannlegs samfélags að við séum að púkka upp á 2000-3000 ára gamlan siðaboðskap sem hefur fengið næg tækifæri til að sanna sig og vægast sagt mistekist.

Glitniskálfarnir hegðuðu sér ekkert ósvipað og prestar og biskupar margir gegnum tíðina, svo maður tali nú ekki um hinn óbreytta kristna alþýðumann. Siðferði fer batnandi sem betur fer, ofbeldishegðun fer minnkandi, eftirlit með glæpum harðandi, spilling á borð við Dabbadrenginn í þinginu er orðin að viðrini í samtímanu. Því minni kristið siðgæði, því betra fyrir okkur.

Já og gleðileg jól!