Helmingur Íslendinga kristinn. Evrópska lífsgildakönnunin 1999/2000 að mestu samhljóma könnun Gallup 2004.

Rétt um helmingur Íslendinga er kristinn samkvæmt viðamikilli skoðanakönnun sem Gallup gerði fyrir Biskupsstofu, Guðfræðideild Háskóla Íslands og Kirkjugarða Reykjavíkur með styrk frá Kristnihátíðarsjóði.  Jón Valur Jensson bendir lesendum sínum á Evrópsku lífsgildakönnunina sem framkvæmd var á árunum 1999 og 2000. Honum láðist að gefa tengil á niðurstöður en þær má finna hér: http://www.worldvaluessurvey.org/ , (velja online data analysis vinstra megin), könnunin frá 2004 er hér: http://kirkjan.is/skjol/truarlif_islendinga_2004.pdf (að vísu vantar spurningar frá Kirkjugörðunum).

Niðurstöður þessara tveggja kannana eru mjög líkar sem gefur vísbendingu um það hversu markverðar niðurstöðurnar eru. Í könnuninni 2004 var spurt hvort einstaklingurinn væri trúaður og þá hvort hann væri kristinnar trúar. Í könuninni 1999/2000 var spurt hvort einstaklingur væri trúaður og hvort han tryði á persónulegan guð (sem er forsenda þess að teljast kristinn):

                                                  1999/2000              2004

Telur sig trúaðan:                           73,9%             69,3%
Trúir á pers.l. guð/ er kristinn:           51,3%             51,8%

Þessar tölur eru sláandi líkar og því vel varla hægt að efast um þá niðurstöðu að um helmingur þjóðarinnar sé kristinn. Sem er gott að hafa í huga þegar rifist er um frjálsan aðgang trúboða að skóla- og leikskólabörnum að foreldrum forspurðum.

Athugasemdir

[Anna Benkovic Mikaelsdóttir, 21.12.2007 kl. 19:52]

Ætli Jón Valur viti af þessu?

[Brynjólfur Þorvarðsson, 21.12.2007 kl. 22:11]

Það þyrfti kannski einhver að benda honum á það. Ég er bannaður hjá honum, þeim gengur illa sumum að takast á við heiðarleg skoðanaskipti.

[Anna Benkovic Mikaelsdóttir, 21.12.2007 kl. 22:42]

Ég mun gera það þegar hann opnar fyrir þessa umræðu, ef hann opnar. Ég er hinsvegar tæp og hefur hann boðið mér 2 að þurka út það sem ég hef skrifað , en ég hef neitað...???